كنة وحماية

كنة وحماية
فرحة الفرفوحة اضطرت أن تسكن عند حماتها خدوجة الطبلوجة
وقالت
لحالها بعتبرها متل أمي ولجوزها بقلو يا عمي وهالطبخة فيني وبلاني مطبوخة
وهيك بضب أنا وابن عمي قرشين وما منخلي ولا قرش دين
بس الحماية الظريفة اعتبرت يلي جاية للدار أشبه بالاحتلال ولابد من النضال حتى الاستقلال
وهون بلش القيل والقال والقصة لا تحتاج إلى سؤال وبعد اخد ورد وجذب وصد ونأتيكم من الآخر يا طويلين العمر
فقد انتهى الصراع بأقل من سنة بخروج الكنة من الدار وطرقة قبقاب على رأس الحماية
وجلطة خفيفة للابن المدلل المسكين
أما العم الحباب فلم يصب بسوء لأنه انطرش يا حرام في إحدى المعارك حامية الوطيس
وما كان دوره إلا انو ياكل تلات رباع القتلة
وإياكم تجربوها لأنه لا عدو للمرأة إلا امرأة أخرى تتزاحم معها على احتلال الصدارة